Promdi in the City

Ang ilan sa mga insidente na kadalasang mangyari sa isang probinsiyano na bagong salta sa maynila ay ang mga sumusunod:

1. Madalas na lumampas ng target na LRT/MRT station dahil mahirap bumababa minsan kapag siksikan at ayaw magparaan ng mga taong malapit sa pinto. Kasabay pa nito ang pagpasok ng mga tao sa loob ng tren.

2. Madalas na pabalik ang takbo ng sinasakyang LRT/MRT dahil nagkamali ka ng ruta at huli nab ago mo ito malaman.

3. Ang mga jeep dito sa Pilipinas ay may plaka na may nakasulat sa harap ng jeep kung saan ang ruta nito at kadalasan ang pangalan ng lugar ay ang karaniwang tawag ng mga taga-roon. Kung hindi mo alam ang local term, mahihirapan ka talaga.

4. May mga ilang lugar na sa unang punta mo ay pagsisisihan mo kung bakit mo nilakad ang ganong kahabang kalsada eh pwede naman na sumakay ng jeep. Halimbawa: Kahabaan ng Morayta.


5. Mahirap bumaba ng jeep kapag wala pa sa tamang babaan. Katulad ng sa Makati kung saan meron talagang takdang lugar ng babaan at sakayan. Kaya mahirap talaga kapag puputok na ang pantog mo at malayo ka pa sa babaan at trapik pa. Tiyak na magkakalat ka sa daan.